Wopon wokrejsa Dubja-Błota
Wopisowanje
W slobrje módry, zawinjony kokac, póscyjany ze złoteju kraloweju kronu, prědku pśełožony wót cerwjenego napśeśiwo glědajucego wótrězanego bykowego rumpa, kenž ma złotej roga, slězy wót cerwjenego napśeśiwo glědajucego wótrězanego jerjełowego rumpa, kenž ma złoty zob.
Rozkładowanje
Wokrejs Dubja-Błota jo se w zymskem 1993 ako wuslědk wokrejsneje teritorialneje reformy ze starych wokrejsow Lubin, Łukow a Parsk stwórił. Wopon pokažo na něgajšne centry takich tśich starych wokrejsow.
Cerwjena jerjełowa głowa symbolizěrujo pódpołnocny źěl wokrejsa, rozmjej starobramborski wokrejs Parsk. Mimo togo pśedstajijo jerjełowy rump symboliski pśisłušnosć k źinsajšnemu zwězkowemu krajoju Bramborska. Dospołny jerjeł jo ako woponowy wobraz kraja Bramboska pšawniski šćitany. Jogo wužywanje w drugich kněstwowych znamjenjach njejo dowólone.
Cerwjena bykowa głowa prezentěrujo markgrobojstwo Dolna Łužyca ze staryma wokrejsoma Lubin a Łukow.
Złota kralojska krona stoj za město Parsk z něgajšnym góńtwaŕskim grodom pšuskich kralow. Módry kokac dej na wóźe bogatu krajinu symbolizěrowaś, kótarejež wódy pód pódpołnoc zběžyju.
Chórgoj wokrejsa Dubja-Błota
Wopisowanje
Chórgoj wokrejsa jo – joli powjesony na prěcnika – wedli smugata módra – žołta – módra w poměrje 1 : 2 : 1 a nosy wopon wokrejsa w srjejźi.